要教你唱儿歌呢。”
鸣儿听话地朝楼上走去。
“侬好，侬啊是西厢房里刚搬来呃，是伐？谢谢侬送给阿拉儿子吃饼干。”薛太太望了望淑娴，眼里满含感激。
“一点点小么子而已，薛太太，我正好有事体寻侬商量。”
“哦，啥事体啊，侬进来坐啊。”薛太太连忙掸了掸床单，让淑娴进来就坐。
淑娴坐在硬板凳上，笑着说“是格能呃，薛太太，我听楼下杜太太讲，侬在弄堂里帮人家做生活，所以，我也想请侬帮帮忙。”
“好呃呀，侬需要做点啥生活啦？我都会呃。”薛太太一听，心里满是欢喜。
“像倒倒马桶，汰汰衣裳，烧烧饭之类呃生活。”
“可以可以，我不会收侬多呃，三样生活，一个月五块大洋，侬看可以伐？”
“好呃呀，哦，阿拉先生呃皮鞋也请小宝擦。我一个月给侬六块大洋，好伐？”
“好好好，不好意思，哪能称呼侬？”薛太太接到了大订单了，眼睛都笑成一条缝了。
“阿拉先生姓欧阳。”
“好呃，欧阳太太，就格能讲定了。”
薛太太心花怒放，没想到今天遇到大客户了，一个月有六块大洋的进账了。
“哦，薛太太，阿拉先生一般早上自己买早点，中晌不回来吃呃，只有夜头回来吃夜饭，我嘛，有呃晨光中晌在屋里厢，有呃晨光也在外头，所以一般一天只要烧一顿就可以了，衣裳也用不着天天汰。”
“哦，是格能啊，个么我收了太多了，我以为那是一天三顿，个么减掉一块大洋好勒，我收侬五块。侬看哪能？”
“勿要减忒了，讲好六块就六块，侬赚呃都是辛苦铜钿呀。”
“欧阳太太，侬太客气了，个么格能，我每礼拜免费帮侬家里打扫一趟。侬看好伐？“
“好好好，薛太太，就依侬，我要是有需要，就麻烦侬来帮我打扫打扫。”
“欧阳太太，侬真呃是大方，不像楼下呃杜太太，小家败气，斤斤计较。上个号头还扣忒我一块大洋，讲有三四天是伊自己烧中饭呃，还讲上个号头落雨天数多，我衣裳汰得少，真是碰着赤佬了。“
淑娴听后，不置可否，只能无奈地笑笑。
“侬晓得伐，伊是姨娘呀，看上去风风光光呃，其实，男人在外头花擦擦，伊男人在浦东老家是有老婆呃，前几年大太太还来上海跟伊大吵大闹，请伊吃了两记耳光。”