晚上，毛豆子把小兄弟们召集在一起。.org
“来来来，小巴喇子开会了。兄弟们，我跟大家宣布一桩事体，从明朝开始，阿拉不能再格种腔调过日脚了，老是做一些偷鸡摸狗呃事体了，阿拉要把路子搞搞正，重新做人，自食其力。今朝诶位爷叔已经讲过了，阿拉也可以去寻点正当呃事体做做，比如讲卖报啦，瘌痢头，眯细眼，塌鼻头那几个小呃可以去弄点报纸卖卖。“
瘌痢头，眯细眼和塌鼻头听了之后，有点懵懵懂懂，面面相觑：“阿拉到啥地方去弄报纸啊？“
“憨大，报纸嘛，总关是报社里印出来呃啰，报社每天早上都有交关报童候好在门口，有人专门管呃，那就去问伊讨点报纸卖，卖光之后，伊会得给那一点钞票呃。那就到《申报》报馆呃门口等了嗨，不过要早点去，晚了报纸就被人家抢光了。从明朝开始，不许睏懒觉，早上六点钟之前到报社门口去，听清爽了伐？“
瘌痢头、眯细眼和塌鼻头点了点头。
“还有鼻涕王，矮胖子，那可以弄只鞋箱到马路边上帮人家擦擦皮鞋，我此地还有一点昨日吃饭剩下来呃铜钿，拿去买点鞋油，鞋刷。“毛豆子说完，从兜里掏出一把零钱交给矮胖子。
“个么，侬呢？毛豆子？“鼻涕王问道。
“我到饭店里去寻点生活做做。“
“我也想去饭店。“鼻涕王说道。
“侬就算了，侬鼻涕王到人家饭店里，人家客人看到侬，逃也来不及。“毛豆子取笑鼻涕王，鼻涕王难为情地低下了头。
“个么，我可以伐？“矮胖子怯生生地问道，他觉得饭店里的活容易些，也舒服些。
“矮胖子，阿拉此地就数侬胃口最大，侬要是到饭店里去，肯定不到三天就给老板赶出来，侬要把饭店吃穷忒呃呀。再讲，侬一看见好吃呃，就流馋吐水，人家客人看到侬格副卖相，还吃得下去伐？“
其他几个小兄弟见毛豆子这么一说，都不吱声了，但心里觉得老大有点不公平，让他们去干苦力活，自己却跑到饭馆里，就算是吃不到，闻闻那味道也是种享受。
“那勿要眼热我，我岁数比那大，力气比那大，走上走下比那灵活，再讲，人家饭店里会要七八岁呃小人伐？外噶，人家饭店也不可能一记头要噶喜多跑堂呃呀，那讲是伐？“
听毛豆子这么一说，大家都不做声了，看来也只有毛豆子适合去饭店。
“好了，我向那保证，每天夜头，给那带点夜宵回来，好伐？